وطريقتها أهيه:
"المقادير:كبايه و نص دقيق-كباية ونص سكر-9 بيضات-رشه فانليه-رشه ملح-معلقه بيكنباودر .
الطريقه :اضربي في بوله لوحدها 7 بياض بيض و في البوله التانيه اضربي الصفار + بياض و صفار البيضتين الباقيين مع بعض . اضربي البياض كويس اوي لغايه مايجمد و رشي الملح مع البياض و انتي بتضربيه .حطي السكر مع الصفار و اضربي كويس لغايه مايضاعف حجمه و يتغير لونه ويبقا اصفر فاتح و حطي في الاخر الفانليا في الاخر و ضربه كمان و خلاص .
بعد كده اخلطي الصفار علي البياض و مش العكس عشان الهوا و قلبي من تحت لفوق و حطي الدقيق و بالتدريج مع التقليب الخفيف و البيكنبودر و خلاص كده ادهني صينيه كبيره او صنيتين نقطه زيت وحطي الخليط ودخليه الفرن علي درجه حراره 180 لمده 20 دقيقه تقريبا و بعد كده سبيها تهدي و قطعيها و زوقيها حسب الرغبة"
ليست هناك تعليقات:
اضافة تعليق